النهاردة طبعا كان ماتش النهائى بتاع الدورى السعودى
كان بين الهلال & اتحاد جدة
وطبعا انا كنت بشجع الاتحاد مش علشان هو الاتحاد علشان متعب
والحمد لله الاتحاد فاز بالدورى وكنت فرحانة مووووووووووت
جريت على الموبايل وبعت مسج (حد رخم ) وبقوله انى فرحانة ان الاتحاد كسب
وكان رده : طيب وايه اللى يفرح ده حتى فريق فقر
قلت بينى وبين نفسى هو رخم كدة
خرجت وقلت لماما وكانت بتتفرج على الحياة اليوم برنامج غلس
ماما ماما ماما الاتحاد كسب الدورى
قامت بصتلى حتة بصة وقالتلى : ادخلى زاكرى ياختى
قلت هى مبتحبش الكورة وملهاش فيها
جريت على بابا حبيبى قلت هو ده بتاع الكورة اللى بيسمعنى لسة مكملتش كلامى لقيته بيقولى سمعت
وبيقولى انتى فرحانة اوووى كدة ليه 000 من امتى بتسمعى الدورى السعودى
مش عارفة ايه الاحباط ده
طيب اجيب ناس منين افرح معاهم !!!!
يعنى اقرب ناس ليا عملوا فيا كدة 000
14 التعليقات:
ههههه
بصراحه - و من غير زعل-
بابا و ماما و الحد الرغم :D
عندهم حق ..
فى حد بيشجع فريق سعودى :D:D:D
في حد يشجع الاتحاد ياريم
ده حتى فريق رخم :D
انا كنت بشجع الهلال للاسف
يلا
مبروك لمتعب وبس
كلكم عليا
هو انا اعرف الاتحاد ده فين
انا اول مرة اسمع عنه لما متعب احترف فيه
انا بشجع متعب وفرحت علشان متعب
يامظلومة فى الدنيا D:
لؤلؤة + مونى نورتوا ياقمرات
الحد الرخم ده مش بيحب الناس الامش بتفهم كورة تفتى هى كمان هههههههههه
فين الاتحاد ده اصلا
الصراحه اجمل رد اتقال من الحد ده :D
فريق فقر ودورى افقر متغب رجع بصليبى ودوبل كمان
اووووة اهلاوية
يارب العمدة يبقى زى الاول ويرجع من عندهم
انتى اهلاوية
كفايه بابا وماما والردود دى
انا مش هقول حاجة عشان
صعبتى علياD:D:
تقريبا كده انتى هتشيلى البوست ده D:D:
...
المهم من كل ده ان متعب يرجع بس
أمبارح كان عمرى عشرين :
ايه الرخامة دى p-:
هى الناس الرخمة كدة بتحب بعضها
قال احسن رد قال
نورت ياحودة
أهــ,,,,,,ــلاوية :
____________
يارب يرجع احسن من الاول
وطبعا اهلاوية ياقمر
نورتى ياسلوى
Ouusama :
__________
حتى انت ياميرو
وانا بقول انت اللى هتنصفنى فى البشر دول كلهم D:
نورت ياميرو
_________-
والله ياجماعة انا كدة حسيت انى لو كنت قلت لمتعب نفسه انا فرحانة علشان الاتحاد كسب كان هيقولى ده فريق فقر
والله انا برضة مليش فى الكورة لاكن عموماً مبروك الفوز
علشان ما تحسيش باحباط
akeed يقول...
والله رفعت من معنوياتى شوية
بعد كمية الاحباط دى
نورت التوبيك اكيد D:
هههههههههههههههه
ولا يهمك
الف مبروك للعمييييييييييييييييد
طب ما احنا عندنا الاتحاد السكنري وهو أولى بالتشجيع
أنا مش عنصري
بس ياله كلنا مسلمين
اتحاد هنا اتحاد هناك
كله فشل كروي والسلام
تقبلي مروري وتحياتي
ويبقى التواصل
انا ماليش خالص فى الكوره
بس جيت اسلم
إرسال تعليق